اتغيرت
وعمرى ماكنت اتصور ****انك تنسانى وتتغير
انا خايف لما انت تسيبنى**** تتوه فى الدنيا وتتحير
اما من ناحية نسيانك ****مش ممكن فى الامر افكر
بعد ماكنا قلوب بتغنى**** بعد ماكنت قريب منى
ليه دلوقتى بتبعد عنى
كنت تملى تيجى تشوفنى****وكنت افرح لمل القاك
دلوقتى مابقيت تعرفنى**** وبتهرب علشان انساك
اتغيرت ليه ياحبيبى
والا خلاص بقيت تكرهنى
ان كان جرحى سبب هناك
انا يسعدنى انك تجرحنى
انا فاكر الفرحة امبارح**** وهى بترقص جوه عينيك
لمل كنا ساعات نتقابل****وايدىتنام فى حضن ايديك
شوف دلوقتى عنيك هجرتنى***ولمسة احلى ايدين نسيتنى
حتى روحك وحنينى ليها ***جت وفى اغلى مكان وصابتنى
ظلمت قلب بين الضلوع*** خلتنى احبك وانا مخدوع
ماكنتش اعرف انك خاين***وناوى تجرح عين ودموع
لما انت بس بتحب غيرى***ليه خليت قلبك يصفى لى
انا لسه مجروح وبداوى***وما صدقت انسى اللى جرالى
تيجى تتسلى وتخدع قلب***ياما قلوب دابت فى هواه
بس الفرق ان انت لوحدك***اللى قدرت تكون جواه
اتغير ياحبيبى براحتك ***ولا تسال فى حبيب هناك
انا كمان ح ادوس على فلبى**واعلمه ازاى ينساك
اتغير على راحتك خالص**انا ح احاول انى انساك
واما تجينى راح ابعد عنك*** واعمل عينى مش شايفاك
عيبى والله انى حنين ***وحنين على كل الناس
يصبوا لى المر فى نشوى**ويسقوه لى فى اجمل كاس
علشان اقدر انول هواك***لازم لازم انساك
علشان يوم اتهنى معاك***لازم لازم انساك
لازم ادوس على قلب فى صدرك
ويكون غدرى اقوى من غدرك
كده اقدر انول رضاك
ـ
No comments:
Post a Comment